JOIN OUR WHATSAPP GROUP. CLICK HERE

Swihluvi swa Mbulavulo ya Xitsonga Grammar

Swihluvi swa Mbulavulo ya Xitsonga Grammar Loko hi ri karhi hi vulavula kumbe ku tsala ririmi ra Xitsonga hi tirhisa Swihluvi swa mbulavulo. Hi na tinxaka leti landzelaka ta swihluvi swa mbulavulo:

Swihluvi swa mbulavulo

• Maviti,
• maendli,
• masivi,
• mabumabumeri,
• maencisi,
• mahlamari,
• maengeteri
• mahlanganisi.

Riviti

Riviti i rito leri kombaka vukona bya n’wanchumu kumbe xanchumu xi vitaniwaka hi rona. Ku ni tinxaka ta mune ta maviti.

• Rivitavito : leri i riviti leri thyiweke xan’wanchumu. Nchumu lowu wu nyikiwile vito leri wu hlawulekisaka exikarhi ka man’wana maviti. Xikombiso: Pitori, Hlamarisa, Mahlori na man’wana.
• Rivitaswilo: leri i riviti leri hi kombaka rixaka ra xanchumu xa kona wu va wu yimele minchumu hinkwayo ya rixaka rero. Xikombiso: munhu, mbuti, ntshava, mufana na man’wana.
• Rivitantlawa: leri i riviti leri kombaka ntlawa wa swilo. Xikombiso: tshwinga, xichocho, tshengwe na man’wana.
• Rivitaswianakanyiwa: leri i riviti leri kombaka xan’wanchumu lexi nga voniwiki hi mahlo, kambe xi vumbeka emiehleketweni.Xikombiso: vuloyi, vulolo, vutivi na man’wana.

Mintlawa ya maviti

Ntlawa	Xirhangi	Ntsengo	Xikombiso
1	mu-	Vun’we	Mutirhi
2	va-	Vunyingi	Vatirhi
1a	–	Vun’we	Kokwana
2a	va-	Vunyingi	Vakokwana
3	mu-	Vun’we	Murhi
4	mi-	Vunyingi	Mirhi
5	ri-	Vun’we	Ribye
6	ma-	Vunyingi	Maribye
7	xi-	Vun’we	Xikolo
8	swi-	Vunyingi	Swikolo
9	yi(n)	Vun’we	Yindlu
10	ti(n)	Vunyingi	Tindlu
11	ri-	Vun’we	Rintiho
14	vu-	Xihavantsengo	Vuputsu

15	ku-	Xihavantsengo	Ku tirha
16	Ha	Xihavantsengo	Handle
17	ku-	Xihavantsengo	Kusuhi
18	mu-	Xihavantsengo	Ndzhaku
21	dyi-	Vun’we	Dyinambu

 JOIN OUR TELEGRAM CHANNEL. CLICK HERE